Sáme parlamentárálasj ráde (aktisasjbarggoorgádna Vuona, Svieriga ja Suoma sámedikkijda) álgadin bårggemáno 1. biejve 2015 joarkkemprosjevtav Sáme Giellagálldo – Nuorttarijkalasj sámegielaj máhtto- ja luohkkoguovdásj. Prosjækta ruhtaduvvá EU-Interreg Sápmi-Nord V A, Lapin liitos, Råmså fylkkasuohkanis ja Suoma, Svieriga ja Vuona Sámedikkijs.

Sámedikken la rabás stuoves virgge julevsáme giellabarggen ruvvaláhkáj álggemijn. Barggosadje le muhtem Sámedikke bájkkekontåvrån, dajna gájbbádusájn guoros kontåvrråsadje gávnnu.

Barggodahkamusá:

Giellasujtto, giellaåvddånibme, tærmmabarggo, giellanormerim ja diehtojuohkem. Sáme Giellagáldo ja Sámedikke dåjmaj hárráj máhtti ietjá barggodahkamusá duoddiduvvat.

Máhtukvuoda:

Åvdemusát sávvap ulmutjav gænna le alep åhpadus (allaskåvlås/universitiehtas) julevsámegielan, valla adjáj sij gænna li julevsámegiella iednegiellan jali muodugasj giellaåhpadus ávttjiduvvi åtsåtjit. Åtsådallama muodugasj bargojs ja máhtudahka sáme sebrudak- ja gielladile birra dættoduvvá. Duodden dættoduvvá aktisasjbarggo- ja guládallammáhtukvuohta, máhtukvuohta tjálalattjat åvddånbuvtátjit ja máhtukvuohta iesjrádálattjat ja ulmmelattjat bargatjit.

Sáme Giellagáldo barggogiella li sámegiela, svierigadáro, vuonadáro ja suomagiella. Giellagálldo aktan sámedikkij vásstet guovdátja barggodahkamusáj åvdås ma li:

åvddånahttet ja nannit nuorttarijkalasj giellabargov, åvddånahttet ja nanostuhttet sámegielajt vaj dárbo, hásstalusá ja luohko iesjgeŋga giellajuohkusin vieleduvvi, ja boanndodit sámegielajt ja dajt boahtteájggáj bisodit.

Ietján: 

Virge le biejadum virggekåvddåj 1408 vuostasjkonsulænntan jali 1434 rádevadden. Åhttse gænna li sierra máhtudahka máhtti biejaduvvat virggekåvddåj 1364 Sierrarádevadden.

Ienep diedojt virge birra oattjo åssudakdirektøras Anne Britt Klemetsen Hættas, telefåvnnå (+47) 911 11 788.

Sámedikke háldadus galggá buoremus láhkáj álmmuga moattevuodav gåvvit. Barggijpolitihkalasj ulmme le jåvsådit jæbddásasj áldar- ja sjiervvedilev barggosajen, ja åttjudit ulmutjijt unneplåhko- ja álggoálmmukduogátjijn.

Sámedikken la sjiehtadus Sebradahtte Barggoiellem/ Inkluderende Arbeidsliv (SB/IA) ja galggá buorre barggodilijt láhtjet juohkka avta barggáj. Sámedikke barggijn la hiebadahkes barggoájgge. Åhttse gudi e buvte sámegielav gå bargguj álggi, máhtti barggovaddes biejaduvvat åmastittjat máhtudagáv sámegielan.  

Gájka gudi Finnmárkon ja Nuortta-Tråmsån årru oadtju oahppolåna árvov Stáhta lådnakássan vuoledit 10 % jahkáj 25.000 kråvnå rádjáj ja sierra værrogessusav. Dá doajmmi dasik Stuorradigge årnigijt rievddat.

Ietján biejaduvvá bargge virggáj dábálasj lágaj, njuolgadusáj ja sjiehtadusáj milta, dán vuolen bálkká ja pensjåvnnå - duodden 6 máno gæhttjalimájgge. Bálkás gieseduvvá 2 % Stáhta pensjåvnnåkássaj.

Almulasj § 25 lága milta máhtti diedo åhttse birra almoduvvat juska åhttse ij sidá namás åhttselisstaj.   

Elektråvnålasj åhtsåmus virggáj registreriduvvá dánna: www.jobbnorge.no.

Oahppoduodastusá ja duodastusá galggi åhtsåmusáv tjuovvot.   

Åhtsåmájggemierre: 26.05.2017

https://www.jobbnorge.no/se-no/bargoohcamii/virg%C3%A1i/138241/julevsme-giellabargge

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!