PRM: Doarjju nuorajgirjálasjvuodav

Guokta ållu ådå tjálle libá dårjav Sámedikkes oadtjum nuorajgirjijda.

Ođas | Almmuhuvvon , ođasmahtton

Sámediggeráde la juollodam dårjav sáme girjálasjvuoda almodimijda dán jahkáj. Lagábuj 100 åhtsåmusá lidjin boahtám, åhtsåmruhta aktisattjat birrusij 25 millijåvnå kråvnå. Dán jahkáj lij  mierredum birrusij 6 millijåvnå kråvnå sáme girjálasjvuohtaj.

Mariann W. Magga (Foto Åse M.P. Pulk-Sámediggi).jpg
FOTO | Mariann Wollmann Magga (foto: Åse Pulk/Sámediggi)

– Nuorajgirjálasjvuohta sámegiellaj la mælggadav gatjáduvvam, ja dan jage lip de válljim dav vuorodit. Duola dagu libá guokta ållu ådå tjálle dårjav oadtjum ietjaska giehtatjállusijda. Goappátja libá tjállemåhpav tjadádam, subtsas rádesebrulasj Mariann Wollmann Magga.

Saia Stueng la tjádadam tjállemåhpav mav Sámedigge ja Sáme Dájddárráde/Sáme girjetjállij Siebrre la jådedam. Sån gåvvi nuorra næjtsov ja suv åtsådallamijt gå joarkkaskåvlåv vádtsá.  «Hamburgerprinseassa” nammasasj girjje l nuorajda tjáleduvvam.

Edel Maret Gaino la aj tjállemåhpav tjadádam ja sån tjállá “Balddonasat vai veahkit” nammasasj  girjenis ietjálágásj, balldalahtte subttsasij birra majda ulmusj vuosstemielajn gæssu. Girjje l tjáleduvvam nuorajda, valla la aj buorre girjálasjvuohta ållessjattugijda.

Dajda duodden li aj juollodum dårja ådå mánájgirjijda ja aj diktagirjij, gåvvårájdoj ja fáhkagirjij almodimijda.

Ierit ietján la mánájgirjje “Tjirrh/Čebo” dårjav oadtjum. Dav la Laila Mattsson Magga tjállám ja dan álggo giehtatjálos la oarjjel- ja aj nuorttasámegiellaj. Adjáj Samuel Gæloga mánájgirjje  “Ruoppsisgállo”, julevsámegielak álggo giehtatjállusijn, la dårjav oadtjum.

Dánna vuojná gájkka juollodum åhtsåmusájt:

Guládallamdiedo: Rádesebrulasj Mariann Wollmann Magga, telefåvnnå 97702350

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!