Doarjju julevsáme guoradallamnævoj almodimev

Sámediggeráde l juollodam rudájt almmudahkaj Iđut almodittjat julevsáme almodusájt girjijs Språk 2 ja Språk 4, ma aneduvvi guovtejagágij ja nieljejagágij gielav guoradalátjit.

Ođas | Almmuhuvvon , ođasmahtton

Juolloduvvam la 93.000 kråvnå rádjáj almodittjat julevsáme almodusáv Erna Horn & Astrid L. Dalina girjev Språk 2 - Kartlegging av barnets språk ved 2-årskonsultasjonen på helsestasjonen, ja 85.000 kråvnå rádjáj almodittjat julevsáme almodusáv Erna Horn & Astrid L. Dalina girjev Språk 4 - Kartlegging av barnets språk ved 4-årskonsultasjonen på helsestasjonen.

Giellagæhttjalime/guoradallamnævo galggi viehkken liehket guoradalátjit máná gielav guovtejagák- ja nieljejagák-konsultasjåvnåjn varresvuodastasjåvnån. Prosjæktaj gulluji guoradallamsjiemá ja addnijbagádus.

Lars Filip Paulsen (Foto Åse Pulk, Sámediggi).jpg
FOTO | Lars Filip Paulsen (foto: Åse Pulk/Sámediggi)

– Sámedigge vuojnná dárbov guoradallamnævojda adjáj julevsábmáj, javllá Sámedikke sadjásasj presidænnta Lars Filip Paulsen. Duola dagu la Divtasvuona suohkan gatjádam julevsáme almodusájt giellagæhttjalimijs.

Sámedigge l åvddåla rudájt juollodam guoradallamnævojt nuorttasábmáj ja oarjjelsábmáj jårggålittjat ja hiebadittjat.  

– Vaj galggá liehket dássádus ja avtaárvvusasjvuohta gielaj gaskan ja vaj julevsáme mánájn galggá sæmmi riektá ietjasa giellaåmastimev åvddånittjat, guoradalátjit ja gæhttjalittjat, vuojnná Sámedigge dárbov guoradallamnævojda adjáj julevsábmáj, javllá Paulsen.

Almmudahka Iđut galggi nannit vaj giellagæhttjalibme márnánahteduvvá ja juogaduvvá sáme álmmugij.

Ienep diedo, guládalá sadjásasj presidæntajn Lars Filip Paulsen, mobijlla 916 18 561.

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!