Stipenda alep åhpadussaj julevsámegielan jali oarjjelsámegielan, ja sáme giellaåhpadussaj studentajda márkkosáme guovlos

Sámedigge juollot stipendav studentajda gudi alep åhpadusáv julevsámegielan jali oarjjelsámegielan tjadádi, ja studentajda márkkosáme guovlos gudi sáme giellaåhpadusáv tjadádi.

Korona virusa diehti guhkiduvvo stipenda åhtsåmusájggemierre vuoratjismáno 30. bæjvváj 2020.

Søknadsfrist: 30.04.2020 23:59

Åhtsåmájggemierre:

  • Åhtsåmájggemierre åhpadussaj mij gidágávdan álggá l vuoratjismáno 30. biejve
  • Åhtsåmájggemierre åhpadussaj mij tjaktjagávdan álggá l gålgådismáno 1.biejve.

Gudi máhtti stipendav åhtsåt:

  • Studenta allaskåvlåjn ja universitiehtajn Vuonan ma li álmmugin Vuonan registrieriduvvam, ja gudi alep åhpadusáv oarjjelsámegiellaj jali julevsámegiellaj Vuonan jali Svierigis tjadádi.
  • Studenta márkkosáme guovlos ma li álmmugin Vuonan registrieriduvvam, ja gudi alep sáme giellaåhpadusáv allaskåvlåjn ja universitiehtajn Vuonan jali Svierigis tjadádi.
  • Studenta ma ælla álmmugin registrieriduvvam Vuonan, valla li studenta Vuona allaskåvlåjn ja universitiehtajn vuoroduvvam oahpon.

Stipendaj stuorrudagá:

  • Mastar- jali bachelorgráda juohkka åhpadusgávdas 15 000 kråvnå
  • Binnemusát 30 oahppotjukka åhpadusgávddaj 15 000 kråvnå
  • 15 ja 29 oahppotjuokkaj gaskan åhpadusgávddaj 10 000 kråvnå
  • 10 ja 14 oahppotjuokkaj gaskan åhpadusgávddaj 5 000 kråvnå

Åhtsåmsjiebmá:

Sámedikke digitála åhtsåmsjiebmá galggá aneduvvat.

Åhtsåmsjiebmáj åhttsåj gut ij la Vuona álmmukregisstarin:

  • Åhttse gut ij la Vuona álmmukregisstarin - hæhttu iesj Sámedikkijn guládallat sierra åhtsåmsjiemáv åttjudittjat.
    • Vuollájtjáleduvvam åhtsåmsjiebmá galggá sáddiduvvat e-påsta baktu åvddåla åhtsåmájggemiere – gidá åhpadusgávddaj vuoratjismáno 1.biejve ja tjaktja åhpadusgávddaj gålgådismáno 1. biejve.

Duodastusá ma galggi åhtsåmusáv tjuovvot:

  • Duodastus jut dån la studænntan åhpadusán masi stipendav åtså, ja galla oahppotjuokkaj åvdås galga eksámav tjadádit.
  • Duodastus jut dån la åhpadusgávddadivudav åhpadusgávda åvdås máksám dan åhpadusgávddaj masi åhtsåmus guosská.

Diededibme:

Njuolgadusájn stipendajda alep åhpadussaj gávnnuji sierra mærrádusá diededime, dárkastusá, ruoptus máksema ja fámoduhttema hárráj, duola dagu:

  • Duodastus tjadáduvvam eksámas gidágávdas galggá sáddiduvvat åvddåla 1.biejve gålgådismánon budsjæhttajagen.
  • Duodastus tjadáduvvam eksámas tjaktjagávdas galggá sáddiduvvat åvddåla 1.biejve guovvamánon tjuodtjelij budsjæhttajage.

Eksábmaduodastusá sáddiduvvi samediggi@samediggi.no

Ienep diedo stipenda ævtoj hárráj:

Gehtja stipenda njuolgadusájt.

Guládallamulmutsj:

Anne Marie Hætta, tlf. 78 48 42 58

Elektråvnålasj åhtsåmussjiebmá

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!