Giellaseminára - Anár

Sámedikkij giellaseminára prográmma almodum ja diededibme álggám!

09.10 - 09:00
10.10 - 15:00

9.-10.10.2019 Sámedikke aktan ásadi giellaseminárav Anárin ållagasj sidjij gudi sámegielaj barggi: jårggåliddjen, dålkkån jali ietjá giellabarggen. Seminárra ásaduvvá Vuona, Svieriga ja Suoma sámedikkij ja Sáme Giellagáldo aktisasjbarggon la la oassen sámedikkij AN:a álggoálmmukgielaj jage tjalmostahttemis.

Seminára prográmma l dálla gárves ja semináran sjaddi lågådallama ja ságastallama vijddát dålkåjs ja jårggåliddjijs ja ietjá giellabarggijs fáhkasuorgen. Seminára oajvvelågådallen la Oulu universitiehta  sámegiellaprofessåvrrå Jussi Ylikoski, bajelttjállagijn Sámegiela iellem, dat la biekka ja tsitsátja, ietjá gielaj vájkkudibme sámegielajda. Tiebmá l ájggeguovddelis ållagasj sámij aktisasjbargo, jårggålim- ja ietjá giellabargo gáktuj.

Semináran la aj máhttelisvuohta oahpásmuvvat teknihkalasj tjoavddusijda, ma li åvddånahtedum sámegielajda doarjjan. Tråmså universitiehta Giellatekno boahtá subtsastittjat makkár jårggålimræjdo ja ietjá teknolåvgålasj ræjdojt máhttá ávkken giellabargon adnet. Ræjdojt praktihkalattjat ja jårggålimen adnet boahtá jårggåliddje ja giellabargge Anne-Márjá Guttorm Graven subtsastittjat, guhti d.d. jårggålimmujtov adná. Semináran bæssá aj oahpásmuvvat duola dagu ietjá giellabarggij árggabæjvváj: gålldåsámegielak jårggåliddje Merja Fofonoff subtsas,  gåktu la giellabarggen barggat tjierggis ájteduvvam gålldåsámegielajn bajelttjállagijn ”Gå bágo ælla nuohkása”. Rap-artissta Ailu Valle tjielggi gåktu sámegielak rap-tevsta riegádi ja dåjmadiddje- oavdástalle Heli Huovinen dav, gåktu giellaælládahttemin vuorbástuvvat. Jus dujna l sierra berustibme giellasujttimis, de seminárraájge besa Oulu universitiehta sámegiela lektåvrå Kaarina Vuolab-Lohi lågådallamav aj gullat: Muhtem ássje nuorttasámegiela kasusijt adnemin.

Dá li dåssju oasásj dassta majt Sámedikke fálli prográmman. Ávos bivddip gájka giellaberustiddjijt  giellaseminárraj 9.-10.10.2019 Anárij! Seminára ålles prográmmav gávna dáppe.

Seminárra dålkkuduvvá nuortta-, anár-, gålldå-, julev- ja oarjjelsámegielajda.

Jus la Svieriga bieles oassálasstemin, de guládalá miliana.baer@sametinget.se. Sámedigge l organisierimin aktisasj sáhtov Anárij.

Diededibme giellaseminárraj

Prográmma PDF | 534.176 kB

Ienep diedo:

Anne Kirste Aikio, mobiltelefåvnån +358 40 7075626
Mikkel Rasmus Logje, mobiltelefåvnån +47 412 65 375
Marie Louise Allas, mobiltelefåvnån +46 70-367 46 82

Lågå ienep

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!