Gå Stuorradigge giehtadaláj 2018 stáhtabudsjehtav, mierreduváj juollodit 1 millijåvnå kråvnå sáme dåjmajda givsedimev hieredittjat.

Dåjmaj ulmmen la unnedit givsedimev mánáj ja nuoraj gaskan, gænna li sáme duogásj, giella jali kultuvrra. Dát máhttá guosskat dåjmajda mánájgárden, vuodoskåvlån jali joarkkaskåvlån, jali tjanádum asstoájggedåjmajda mánájda ja nuorajda. Máhttelis la dårjav åhtsåt duola dagu dåjmajt gaskostittjat avta jali moatte sámegiellaj.

Dåjma máhtti liehket bájkálattjat jali nasjåvnålattjat. Sávadahtte l jåksåt nav edna máná ja nuora gå máhttelis.

Dåjma galggi liehket priváhta jali iesjmiellusasj organisasjåvnåj dåjmaj baktu. Jáhkedahtte sáme organisasjåvnåjn li sierra dågålasjvuohta hiebalasj dåjmajt hábbmitjit, ja ávttjiduvvi åtsåtjit.

Doarjja máhttá doarjjaj avta jahkáj juolloduvvat, ma tjadáduvvi juogu organisasjåvnå dábálasj dåjman jali prosjæktavuododum doajmman organisasjåvnån. Doajmmaguhtal l birrusij 12 máno dat rájes gå doarjjaoadtjo oadtju doarjjagirjev miededum doajmmaåhtsåmusáj gáktuj.

Åhpadusdirektoráhtta åhtsåmusájt árvustallá ja mierret rudájt juogadimes. Dav dahki åbbålasj árvustallam vuodon.

Budsjæhtta doarjjajuollodimev stivrri. Stuorradikke juollodibme 1 millijåvnå kråvnnåj la bajemus rámma ålles doarjjaruhtaj mij máhttáj 2018 juolloduvvat.

Åhtsåmájggemierre l bårggemáno 31. biejve 2018.

Lågå ienebuv doarjjaårniga birra ja åtså dårjav

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!